How to Get to Heaven in Hawaii - Pidgin Style
EH, HOWZIT!
You like go Heaven one day afta you die?
Numba Wan 1
HEAVEN stay one free gift. You no can buy yoa way, an no can be good enuff. All da good kine stuff you do fo peopo, az great, but no goin cut it. God is perfek, heaven is perfek, an we not. SO HEAS DA PROBLEM.
Numba Tu 2
You an I stay SINNERS an no can save ourself. We stay all mess up an lost in dis world. JESUS said nobody can obey all da 10 Commandments, maybe some of dem, but not all. Try check um out! Did you eva tell one lie or take someting dat no stay yoas? If one married man ony look at one lady an like fool around wit her, he had awready commit adultery wit her in his heart. Did you eva hate somebody? Den jalike you had murda him. Eh, us sin wen we just tink bad kine stuff, even wen we neva do da ack. Auwe! Look like we all stay guilty an no can help ourself. Bummas! WAT WE GOIN DO DEN!
Numba Tree 3
GOD is so Merciful. Dat mean He no like punish us fo all our sin. But He iz also Just (jalike one Judge), so He godda punish our sin even if He no like. Da Bible say dat da soul dat sin goin die, an da payment fo sin is Death. But lissen up, I get good news fo you! NO WORRY!
Numba Foa 4
Da payment fo sin iz Death, but da GIFT of GOD iz FOEVA LIFE. Jesus iz da Fadda’s gift to us, az why we celebrate Christmas. Jesus had live on dis earth ova 2,000 years ago, den He had five His life fo us. He wen die on da CROSS but, guess wat? Tree days layda, He had come back to life again. He wen pay fo my sin an yoas too, and had buy us guys one place in heaven. Wat us godda do? Jalike somebody had give you one good gift. You can take um or leave um. I say take um an say tanks to Him. Cuz he waz perfek an neva had to die fo us. Da BIBLE said, “God wen get so plenny love an aloha fo da peopo inside da world, dat He wen send me, His one an ony Boy (JESUS), so dat everybody dat trus me no get cut off from God, but get da real kine life dat stay to da max foeva. You know, God neva send me, His boy, inside da world fo punish da peopo ou of da bad kine stuff dey doin. Whoeva trus me, God no going punish dem. But whoeva no trus me, garans God going punish dem.” John 3:16-18 Da Jesus Book
Numba Fi 5
WE GODDA HAVE FAITH! Da real kine faith in JESUS who is day only one who can save you. Just aks Him fo come inside yoa heart an fogive you. He goin take away all da junk kine stuff dat make you feel bad, sad, an mad. You goin feel all new inside. Az called being “born again.” I no joke, you get one new life fo start ova again. JESUS goin change you from da inside out. He like be you Boss (da LORD!) He like lead you wea fo go an wat fo do, so dat He stay pleased wit yoa life. Yoa name now stay in God’s “Book of Life” so bumbai wen you die you goin live wit God foeva in HEAVEN. When you mess up, tell Him you sorry an fo help you no do um again. Find da kine peopo dat love Jesus jalike you. Go church, so you can learn mo about dis wonderful LORD. He like make yoa life mo betta den eva befoa. God get one good future in stoa for you. He neva goin leave you foeva. So wend is life is ova, an God call fo come home, I goin see you up dea in Heaven an not down dea (da “H-E-double L” word). Rememba, God loves you an me too!
IF YOU READY FO MAKE DA DECISION TO COME ONE TRUE BELIEVER IN CHRIST, SAY DIS PRAYER:
Jesus, I know dat I am a sinner an I sorry fo all da bad kine stuff I wen do. But, I tank you fo showing me dat you love me anyway. I believe dat you wen die on da cross an rose again. So, now I can have real kine life dat stay to da max foeva. I aks you now to come into my heart, fogive all my sins an wash me clean inside. I accept you as my Lord an Savior. I tank you now dat I goin to Heaven. Help me to be da kine person you want me to be. In Jesus name. Amen
ALOHA KE AKUA
*credit to Eileen C. Miyasato pidgintract@yahoo.com
You like go Heaven one day afta you die?
Numba Wan 1
HEAVEN stay one free gift. You no can buy yoa way, an no can be good enuff. All da good kine stuff you do fo peopo, az great, but no goin cut it. God is perfek, heaven is perfek, an we not. SO HEAS DA PROBLEM.
Numba Tu 2
You an I stay SINNERS an no can save ourself. We stay all mess up an lost in dis world. JESUS said nobody can obey all da 10 Commandments, maybe some of dem, but not all. Try check um out! Did you eva tell one lie or take someting dat no stay yoas? If one married man ony look at one lady an like fool around wit her, he had awready commit adultery wit her in his heart. Did you eva hate somebody? Den jalike you had murda him. Eh, us sin wen we just tink bad kine stuff, even wen we neva do da ack. Auwe! Look like we all stay guilty an no can help ourself. Bummas! WAT WE GOIN DO DEN!
Numba Tree 3
GOD is so Merciful. Dat mean He no like punish us fo all our sin. But He iz also Just (jalike one Judge), so He godda punish our sin even if He no like. Da Bible say dat da soul dat sin goin die, an da payment fo sin is Death. But lissen up, I get good news fo you! NO WORRY!
Numba Foa 4
Da payment fo sin iz Death, but da GIFT of GOD iz FOEVA LIFE. Jesus iz da Fadda’s gift to us, az why we celebrate Christmas. Jesus had live on dis earth ova 2,000 years ago, den He had five His life fo us. He wen die on da CROSS but, guess wat? Tree days layda, He had come back to life again. He wen pay fo my sin an yoas too, and had buy us guys one place in heaven. Wat us godda do? Jalike somebody had give you one good gift. You can take um or leave um. I say take um an say tanks to Him. Cuz he waz perfek an neva had to die fo us. Da BIBLE said, “God wen get so plenny love an aloha fo da peopo inside da world, dat He wen send me, His one an ony Boy (JESUS), so dat everybody dat trus me no get cut off from God, but get da real kine life dat stay to da max foeva. You know, God neva send me, His boy, inside da world fo punish da peopo ou of da bad kine stuff dey doin. Whoeva trus me, God no going punish dem. But whoeva no trus me, garans God going punish dem.” John 3:16-18 Da Jesus Book
Numba Fi 5
WE GODDA HAVE FAITH! Da real kine faith in JESUS who is day only one who can save you. Just aks Him fo come inside yoa heart an fogive you. He goin take away all da junk kine stuff dat make you feel bad, sad, an mad. You goin feel all new inside. Az called being “born again.” I no joke, you get one new life fo start ova again. JESUS goin change you from da inside out. He like be you Boss (da LORD!) He like lead you wea fo go an wat fo do, so dat He stay pleased wit yoa life. Yoa name now stay in God’s “Book of Life” so bumbai wen you die you goin live wit God foeva in HEAVEN. When you mess up, tell Him you sorry an fo help you no do um again. Find da kine peopo dat love Jesus jalike you. Go church, so you can learn mo about dis wonderful LORD. He like make yoa life mo betta den eva befoa. God get one good future in stoa for you. He neva goin leave you foeva. So wend is life is ova, an God call fo come home, I goin see you up dea in Heaven an not down dea (da “H-E-double L” word). Rememba, God loves you an me too!
IF YOU READY FO MAKE DA DECISION TO COME ONE TRUE BELIEVER IN CHRIST, SAY DIS PRAYER:
Jesus, I know dat I am a sinner an I sorry fo all da bad kine stuff I wen do. But, I tank you fo showing me dat you love me anyway. I believe dat you wen die on da cross an rose again. So, now I can have real kine life dat stay to da max foeva. I aks you now to come into my heart, fogive all my sins an wash me clean inside. I accept you as my Lord an Savior. I tank you now dat I goin to Heaven. Help me to be da kine person you want me to be. In Jesus name. Amen
ALOHA KE AKUA
*credit to Eileen C. Miyasato pidgintract@yahoo.com
